【娛樂熱話】《黑色月光》煞科宴｜楊茜堯有啱劇本仍會拍劇林夏薇首做奸角壓力大！

新劇《黑色月光》於 4 月 11 日，假尖沙咀舉行煞科宴，並有楊茜堯、林夏薇、楊卓娜、馬志威、馬貫東、尹揚明、何啟南、楊明、王嘉慧、郭鋒等演員，聯同一眾幕後工作人員一同出席。 77 工作室有限公司總裁暨劇集總監製鍾澍佳及監製關文深先上台感謝一眾台後幕後，之後楊茜堯聯同林夏薇分享拍攝感受。

自兩年前的《家族榮耀》，已有兩年冇拍劇的楊堯茜感謝鍾澍佳給她一個好好復出機會，笑說聽到他打電話搵自己拍劇，緊張到聲都震埋，怕自己駕馭唔到一個咁黑暗角色。鍾澍佳隨即笑說：「你係咪以為我搵你拍《新聞女王》？」楊堯茜回應：「呢個仲驚，《新聞女聞》嘅話，驚我記唔到對白。」楊茜堯亦感謝幕後對你們的照顧，更說拍出來的效果好靚，令她自信返晒嚟。林夏薇首次挑戰演奸角，坦言壓力大。「我從未試過做一個咁有挑戰性、黑暗、孤獨又缺愛的角色，不過最緊要是出嚟嘅效果好，觀眾又鍾意，呢樣最重要。」

楊茜堯感謝有這個復出機會，讓她演到一個有挑戰性的角色。

林夏薇坦言拍這套演奸角，好似跌進另一個世界一樣。

楊堯茜近年專心照顧家庭，相隔兩年才再次拍劇，她笑說每次出外工作，囡囡也會叫她早點回家，叫她不是拍那麼耐，等爸爸羅子溢去拍。她認為女人生了小朋友，更想留在家中看著小朋友成長，所以她亦很享受。雖然以家庭為重心，楊堯茜說有啱心水的劇本，仍會繼續拍劇，不過一定會預留時間照顧小朋友。

楊茜堯與親家姐楊卓娜及楊茜堯在劇中也是演姐妹。